මුස්ලිම් ජාතිකයන් යනු කවුද?

ඉස්ලාම් ආගම අදහන මුස්ලිම් ජාතිකයන් ලෙස මාද්‍ය තුලින් අප අසා ඇත.
මුස්ලිම්  ජාතිකයන් ලෙස ජාතියක් හෝ ජනවර්ගයක් නොමැත .සිංහල ප්‍රජාව බොහෝ විට මුස්ලිම් ජාතිකයන් ලෙස හදුන්වන්නේ අනවබෝධය නිසාය.

ඉස්ලාම් ආගම අදහන ප්‍රජාව හදුන්වන පොදු නාමය මුස්ලිම් කියාය. මුස්ලිම් ප්‍රජාව තුල විවිධ ජාතින්ගෙන් සැදුම්ලත් ආගමික ප්‍රජාවකි.

උදාහරණයක් ලෙස සිංහල ජාතික බෞද්ධයන් සේම සිංහල ජාතික කතෝලික , සිංහල ජාතික මුස්ලිම්වරු සිටිති.

ජාතිය හා ආගම සදහන් කිරිමේදී බොහෝ දෙනෙකු පටලවා ගන්නා තැනකි ආගම සහ ජනවර්ගය.

ඉස්ලාම් ආගම අදහන මුස්ලිම් ජාතිකයන් ලෙස පවසනවා මාද්‍ය තුලින් දැක ඇත්තෙමු.
එය බුදුදහම අදහන බෞද්ධයන් ලෙස කිවා සමානය.
බුදුදහම අදහන්නන් බෞද්ධයන් මිස බුදුදහම අදහන කතෝලිකයකු හෝ බුදුදහම අදහන මුස්ලිම්වරු ලෙස පැවසිය නොහැක.
එය එක් ආගමික ප්‍රජාවක් නිසාය.

එබැවින් නොදැනුවත්කම නිසාම මුස්ලිම් ජාතික බෞද්ධයන් ලෙසත් ප්‍රකාශ වන අවස්ථා නැතුවා නොවේ.

සැබැවින්ම ලාංකීය මුස්ලිම් ප්‍රජාව තුල මුස්ලිම් ආගම අදහන විවිධ ජාතින් සිටිති.

සිංහල මුස්ලිම්වරු
මැලේ මුස්ලිම්වරු
මුවර් හෙවත් යෝනක මුස්ලිම්වරු
මරක්කල මුස්ලිම්වරු
දෙමල මුස්ලිම්වරු
බොරා මුස්ලිම්වරු
මෙමොන් මුස්ලිම්වරු

ඉහත සදහන් විවිධ ජාතින්ගෙන් සැදුම්ලත් මුස්ලිම් හෙවත් ඉස්ලාම් ආගම අදහන ප්‍රජාව පොදුවේ හදුන්වන්නෙ මුස්ලිම්වරු කියාය.

කෙසේ නමුත් ඉහත ජනවර්ග විවිධ භාශා කතා කරන වෙනස් ඉතිහාසයක්  සහිත වෙනස් සංස්කෘතික අංග හා සම්ප්‍රදායන්ගෙන් හෙබි එකම දහමක් අදහන ප්‍රජාවකි .

මුස්ලිම් ඉතිහාසය ගත්විට මුස්ලිම්වරුන් ලංකාවට සංක්‍රමණය වුයේ අරාබියෙන් හෝ මැදපෙරදිග රටකින් නොවේ.
එයට හේතුව විවිධ ජනවර්ග වලින් වෙනස් වූ ඉතිහාසයක් හිමි බැවිනි.
කෙසේ නමුත් ලාංකීය මුස්ලිම්වරුන් පැවත එන්නන් අරාබි ජාතිකයන් ගෙන් බව ව්‍යාජ ඉතිහාසයක් සමාජ ගත කර ඇත.

මරක්කල මුස්ලිම් ප්‍රජාව පැවත එන්නේ දකුණු ඉන්දියානු මලබාර් හා කැලිකට් ප්‍රදේශයෙනි .සැලකිය යුතු පිරිසකට ඉන්දියානු ගුවන් බලපත්‍ර හිමිය. යටත් විජිත සමයේ ලංකාවට සංක්‍රමණය වන්නේ වතු හා කුලී කම්කරුවන් ලෙසය.

මුවර් හෙවත් යෝනක මුස්ලිම්වරු සංක්‍රමණය වුයේ යෙමනය හෝ මොරොක්කෝවෙනි. වෙලදාම සදහා සංක්‍රමණය වන මෙම ප්‍රජාව පසු කලක ලංකාවේ අනෙකුන් කාන්තාවන් හා විවාහ වී පැවත එන ප්‍රජාවකි .

මැලේ මුස්ලිම්වරුන් සංක්‍රමණය වුයේ ඉන්දුනීසියානු හා ජාවා දූපත් සමුහයෙන් බව ඉතිහාසය ගවේෂණය කිරිමේදී හෙලිවේ.සැලකිය යුතු පිරිසක් යටත් විජිත සමයේ ලංකාවට සංක්‍රමණය වුවද අදින් වසර දහසකට පෙර සිට පැමිනි ඇති බව ඉතිහාසය ගවේෂණය කිරිමේදී හෙලිවේ  .

එ අනුව
දෙමල ජාති මුස්ලිම්වරු පසුකාලිනව ඉස්ලාම් අදහන්නන් වූ බැවින් ඔවුන් දෙමල ඉතිහාසයට හිමිකම් කියයි.වතුකරය හා උතුරු නැගෙනහිර ප්‍රදේශවල බහුතර මුස්ලිම් ප්‍රජාව මෙයට අයත් වේ.

එසේම සිංහල ජාතිකයන් පසුකාලීනව ඉස්ලාම් අදහන පිරිසක් සිටින් බැවින් සිංහල මුස්ලිම්වරු ලෙසත් හදුන්වයි.
එ අනුව සිංහල ජාතික මුස්ලිම්වරු වෙනත් මුස්ලිම් රටකින් සංක්‍රමණය වුයේ නැත. සිංහල ඉතිහාසයක් හිමි සිංහල මුස්ලිම්වරු සිංහල වාසගම් සහිතව අදටත් ජීවත් වෙ.

එ අනුව මුස්ලිම් ඉතිහාසය ලෙස අප හදුන්වන්නේ සැබෑ ඉතිහාසයක් නොවේ .

එබැවින් විවිධ ඉතිහාසයක් හිමි මුස්ලිම් ප්‍රජාව මෙරටේ වෙසෙන බව  ගවේෂණය කිරිමේදී  හෙලිවේ.
විශේෂයෙන් රජයේ පාසල් ඉතිහාස පෙලපොත් වල පවා මුස්ලිම් ඉතිහාසය ලෙස සදහන් වන්නෙ ලාංකිය මුස්ලිම් ප්‍රජාව සංක්‍රමණය වුයේ අරාබි රටකින් බවයි, එය මුවර් මුස්ලිම්වරු හෙවත් යෝනක මුස්ලිම් ඉතිහාසය ලෙස නිවැරැදි විය යුතුය .

මන්ද මෙරටේ සමස්ථ මුස්ලිම් ප්‍රජාව එකම ඉතිහාසයට හිමිකම් නොකියන බැවිනි.

මුස්ලිම් ආගම අදහන බහුතර ජනවර්ගය යෝනක හෙවත් මුවර් මුස්ලිම්වරුන් ය.
පිලිවෙලින් , මරක්කල මුස්ලිම්වරු ද, මැලේ මුස්ලිම්වරු ද, දමිල මුස්ලිම්වරු ද, සිංහල මුස්ලිම්වරු ද , බෝරා මුස්ලිම් ද, මෙමෝන් මුස්ලිම් වරුන්දවේ.

ඉහත විවිධ ජාතීන්ට අයත් මුස්ලිම්වරු ජාතින් අනුව භාශාව හා සංස්කෘතිය ද වෙනස් වේ.

මුවර් හා මරක්කල මුස්ලිම්වරුගේ මව් භාශාව දෙමල වන අතර මුවර් ජාතික මුස්ලිම්වරුගෙන් සැලකිය යුතු පිරිසක් සිංහල භාශාව භාවිතා කරයි.
මුවර් හා මරක්කල මුස්ලිම් ප්‍රජාව අතීතයේ දී හින්දු සංස්කෘතිකාංග සුලු චාරිත්‍ර අනුගමන කල බව පෙනේ. කාන්තාවන් සාරි අදීමට අමතරව මුස්ලිම් ආගමානුකූලව සාරි පොටෙන් හිස වැසීම, නාසයට කරාබු පැලදීම වැනි දෑ සිදුකලද වර්තමානයේ අරාබි සංස්කෘතිව අබායා නමින් හදුන්වන කාල වර්ණ කාන්තා ඇදුම භාවිතා කරයි.

මැලේ මුස්ලිම්වරුගේ මව් භාශාව මැලේ වන අතර බොහෝ පිරිසකට සිංහල හා දෙමල චතුර ලෙස කතා කිරිමේ හැකියාවක් ඇත. වර්ණවත් බතික් මොස්තරයෙන් හැඩගැන්වු ඇදුම් ආවේණික වන අතර කාන්තාවන් කෙබායා හෝ බාජු මෙලායු නම් බතික් ඇදුම ප්‍රදාන සංස්කෘතික ලක්ශනයකි.මැලේ අනන්‍යතාවය සහිත වෙනස්ම සංස්කෘතියක් හිමිය.

බෝරා මුස්ලිම්වරු උර්දු හෝ හින්දි බස මව් බස ලෙස භාවිතා වේ.සැලකිය යුතු පිරිසක් සිංහල හා ඉංග්‍රීසි බස කතා කරයි.උතුරු ඉන්දියානු වස්ත්‍ර හදිනු ලබන අතර කාන්තාවන් සල්වාර් හෝ සරාරා නම් වූ ඉන්දියානු සංස්කෘතික ඇදුම වේ.

මීට අමතරව මෙමොන් මුස්ලිම්වරුන් ද උර්දු හෝ හින්දි බස මව්බස වන අතර වර්තමානයේ බොහෝ දෙනෙකු ඉංග්‍රීසි හා සිංහල බස භාවිතා කරායි.බොරා ප්‍රජාව සේම මෙමොන් ප්‍රජාව ද ඉන්දියානු වස්ත්‍ර හා සංස්කෘතිය ලක්ශන අනුගමනය කරයි.